Thinking About What Could've Been

I wrote this poem a few months ago. I don't know why, but I just felt like posting this here today. Here it is, my first (and last?) attempt at writing a Taglish poem. Enjoy! =)

afterthought
(alay kay G.)

naisip ko lang
ano kaya kung naging “tayo”?

siguro ngayon meron na akong tatlo
hanggang apat
na formal evening wear
na salitan kong isinusuot
tuwing may concert ka

siguro ngayon alam ko na
ang kwento ng buhay
ni lizst

at may first-hand experience na rin ako
ng galing sa pagtugtog ng violin
ni coke bolipata

nalaman ko na rin siguro na
‘di ka tutuong tuod
at masarap ka palang humalik
dahil lagi kang nag-tu-toothbrush

malamang, by now, alam ko na
kung marunong kang mag-sorry
kahit hindi ikaw ang nagkamali
para lang mapangatawanan mo
ang pagiging isang ‘ maginoong boyfriend.’

siguro sanay na sanay na rin akong
mag-english ng diretso
kahit hindi ako galit

baka natuto na rin akong makinig
sa payo ng mga nakakatanda
at magbigay nang walang iniindang
takot sa sasabihin ng iba

siguro ngayon ‘di na ako
ganito kaluka-luka.

sayang nga lang
at hindi naging tayo.
pero,

malay mo.